Last week, July 25, nagbida-bida kami ng mga college friends ko at nagdecide na umakyat ng Mt Batulao sa Nasugbu, Batangas. Actually, matagal na talaga naming plano magpunta sa Tagaytay, and this time hindi na lang siya drawing dahil finally nakulayan na ang isa na naman sa aming "Wasang Adventures" :)
Sa experience na ito ay marami akong natutunan na nais ko namang ibahagi sainyo, dahil malay niyo isa sa mga araw na ito ay magbida-bida rin kayo at magplanong umakyat ng bundok kasama ang mga kaibigan mo. (Just make sure na hindi lang basta plano ang gagawin niyo. Haha)
Ito ang ilan sa mga bagay na dapat at di dapat gawin sa pag-akyat sa bundok.
1. 'Hwag masyadong excited. Ito ang isa sa mga pagkakamaling nagawa ko. Hindi ko naman sinasabing bawal maexcite, syempre hindi naman natin maiiwasan yun lalo na at first time mo pa lang. Pero lahat ng sobra ay nakasasama (hugot lord). Ang tendency kasi kapag sobrang naexcite ka, hindi ka makakapag-focus sa mga dapat mong gawin at dalhin. At higit sa lahat, hindi ka makakatulog agad. Trust me, hindi mo gugustuhing maging zombie habang umaakyat ng bundok. Di mo maeenjoy.
2. Wear proper outfit. Nais kong ipaalala sayo na hiking ang pupuntahan mo at hindi ka a-aura habang umaakyat ng bundok, tho pwede rin dahil may mga makakasabay kayong mga bet na foreigner dun panigurado. Simulan natin sa sapatos, mas maganda kung hiking shoes talaga, kung wala naman pwede na yung tunning shoes or rubber shoes. Hwag na hwag kang magsasandals kung ayaw mong umuwing mukhang putik. Mas ok na yung maglaba ng sapatos kesa magtanggal ng mga duming sumiksik sa kuko sa paa. 'Hwag mag shorts, isa rin to sa mga pagkakamali ko. Mas maganda kung naka-leggings ka or jogging pants. Basta mahaba, dahil mas malalaki pa sayo ang mga talahib sa lalakaran mo. Isa pa, magsuot ka talaga ng mahaba kung ayaw mong magkaroon ng tan line pagbaba mo. Pero syempre suotin mo naman yung damit na maganda ka parin kahit papano. Yung tipong di mo pagsisisihan ang itsura mo sa mga pictures.
3. Pack light. Dalhin lamang ang mga siguradong kakailanganin. Kung balak mag-overnight magdala ng flash light dahil walang ilaw sa bundok pag gabi.
Magdala ng maraming maraming maraming tubig. May ginto ang tubig sa bundok, kubg ayaw mong mamatay sa uhaw at maghirap ay magdala ka ng tubig na sa tingin mo ay sasapat sa iyong pangangailangan. Maganda kung kaniya-kaniyang kayong dala ng mga kaibigan mo para walang asahan at walang lamangan. Pag nasa bundok ka, di mo masyadong mapapansin ang gutom dahil mabubusog ka sa magagandang tanawin at masarap na simoy ng hangin na lasang adobo. Kaya magdala ka lang ng kanin, solb ka na. Hahaha.
4. Magbaon ng 5385394628263 self confidence. Sa una, iisipin mo na madali lang, pero as you go along marerealize mona hindi ganun kagandang ideya ang umakyat sa bundok. Ang payo ko sayo, tiwala lang. Kakayanin mong maka-abot sa summit. Naalala ko nun, wala pa kami sa peak 1 gusto ko ng sumuko. Pero di ako tumigil at nakarating ko hanggang 8. May mga peak kasi dun na feeling mo susuko ka na. Pero paulit-ulit mong sabihin na kaya mo. And believe me, makakaya mo! :)
5. Mag-ingat. Mag-pray. Mag-enjoy. Ngumiti. Magpasalamat. Syempre mag-ingat ka dahil sa bundok, bawal ang tanga. Isang maling tapak mo lang, maari kang malaglag at maari mong ikamatay. Kung first time mo, mas maganda yung slowly but surely. Wag mong madaliin ang pag-akyat. Makakarating ka rin sa tuktok, wag ka mag-alala di ka naman nun iiwan tulad ng ginawa sayo ng ex mo. Mag-pray bago at pagkatapos umakyat. Siguraduhing mageenjoy ang bawat isa dahil baka first and last na pag-akyat niyo na yun. At higit sa lahat, wag kakalimutang ngumiti palagi, lalo na pag may kasama kayong picture ng picture at mahilig kumuha ng mga candid. Kung ayaw mong magmukhang nalugi sa mga pictures, dapat lagi kang camera-ready. Batiin ang mga makakasalubong sa daan. Maging palakaibigan dahil maari mo silang hingian ng tubig pag naubusan ka. Hahahaha.
All in all, mountain climbing is such a great experience and I am recommending it to all the teenagers out there who wants adventure. It is also one way of appreciating our Mother Nature. Believe it or not, it's hard to climb up a mountain, but baby its worth it when you reached the summit. - F
Walang komento:
Mag-post ng isang Komento